Sunday, September 4, 2011

ఉపాధ్యాయ దినోత్సవ శుభాకాంక్షలు..


తల్లి తండ్రి తరువాత  మరల అంతటి వారు,
మన వెలుగు చూసి వెలుగు వారి వదనము,
మన అఙ్ఞానమును దండించి,  ఙ్ఞానబోధ చేయ
అవతరించెను వారు, శారదా సుతులు..

మన తప్పులనొప్పుగా చేసి,
బలములను గొప్పగా చూపి,
వెన్నుతట్టి, వెంటనుండి,
ముందుకు నడిపించే ఙ్ఞాన మూర్తులు,

విలువైన విద్యనిచ్చి,
విద్యతో విలువలనిచ్చి,
నిత్యం మన విజయాన్ని కాంక్షించే,
విశాల  హృదయులు వారు,

ప్రపంచాన్ని పరిచయం చేసి,
మన పురోగతికి బాటలు పరచి,
మనని ముందుకు నడిపి,
తాము మాత్రం అక్కడే నిలిచిపోతారు --
భావి తరాలకు స్వాగతం చెబుతూ..
విఙ్ఞాన విశ్వపు గవాక్షాలు,
మన ఉపాధ్యాయులు!

కవితాంజలిదే,
ఆ ఇహ లోక దైవములకు,
ఉపాధ్యాయ దినోత్సవాన
నా చిరు  కానుకగా!

No comments:

Post a Comment